1. Der Mehlknödel u. der Griaßknödel

fahn ma hivi
fahn ma achtling
fahn ma zaunsteckn
fahn ma schwachtling
fahn ma buxbamane lahn
für an tanzbodn an rahn

von salzburg her geh ri eina
so was muaß ma si traun
ins salzkammerguat geh ri uma
ins menscher anschaun

hiaz schaun mi die hiesigen leut halt
für an sauschneider o
aber i i hab mei lebtag
koana sau nia nix to

der mehlknödel
und der griaßknödel mögn si goar nit vertrogn
denn der mehlknödel hat den griaßknödel intan tisch einigschlogn

der bänker tuat zockn
politiker prahln
und der staat der macht schuldn und mia müassns zahln

2. Die Ballade vom Wildschütz

die wolkenwand hinterm angerstoa
is scho schwoarz und riesengroß
und irgendwo in der felsenwand
geht a wetterleuchtn los

auf oamoi donnert's
und auf oamoi blitzt's
und die wand steht überm see

die leut die müassn renna
die leut die müassn schnell hoam
und wann dann die erschtn tropfn falln
hat der see sein glanz verlorn

auf oamoi pfeift's
und auf oamoi kracht's
und der wind foahrt von der heh

der regen foit
schau wia der regen foit
der regen foit
schau wia der regen foit

so schnell kann alles anders werdn
so schnell is alles verlorn
wannst moanst dass dir grad die sunn aufgeht
aft bist a scho wieder dafrorn

und 's dirndl hinter seim fenster
dös tuat dem buam grad guat
und so wia im regen der wildbach rauscht
rauscht im wildschütz hoaß dös bluat

er sagt: heut is heut
er sagt: morgn is morgn
und was übermorgn is
tuat mir nit weh!

er hoit si schnell sei stutzei
und tuat auffi aufn stoa
und 's gamsei hoch drobn in der felsenwand
habt sein schnadl übers roa

3. Scheni Leni

scheni leni
i geh auffi auf die alm
scheni leni
zu die küah und zu die kalm

scheni leni
i bin übern anger gonga
und wia ri so geh
ja da fongts mi o zum blonga

und i sag
leni schau da kimmt dei bua
mach mas kammerfenster auf
und sperr die hüttn zua

leni schau da kimmt dei bua
stell die milibitschn weg
i bleib bis in der fruah

denn scheni leni von der heh
denn scheni leni von der heh
denn scheni leni von der heh
schallts hollareidulje

mitanand auf der haberngoaß
mitanand auf der rockerroas
mitanand auf der ofenbänk
schau was i dir schenk

4. Touristen

touristen stengan am highway
zwecks urlaub mitten im stau
touristen fliagn an die cote azur
dort woar dös meer amoi blau

touristen jetten nach bombay
wolln umanander foahrn
aber i geh zruck in mein salzkammerguat
wei dort bin in dahoam

da drobn auf der heh
ja, da drobn auf der heh
da bin i o.k.
wo ri geh wo ri steh (2x)

touristen trailen nach marrakesch
in karawanen hotel
weil mir san mir und san iwaroi fesch
a schnitzel her aber schnell

touristen touren die tour total
und spieln die gnädigen herrn
aber i will bei meiner großmama
liaba die oidn gschichten hearn

5. I bi a Gosinger

i bi a gosinger
und suach i im gstori a ruah
aft zoicht mi am end oiwai wieder hoamzua

i bi a gosinger
a wanns no was onas hat gebn
wannst oamoi a gosinger gwesn bist
aft bist as für dei ganzes lebn

schena no wia sist iwaroi
is die welt im gosautoi
schena no wia in hollywood oder in wean

schena no wia sist iwaroi
is in der gosa no oimoi
auffi und ohi und ahizua ho i di gern mei gosautoi

6. Dirndl mei mei

dirndl mei mei
koa stoa wirst nit sei
wannst a stoa bist
Is mei hergehn umsist

hobbadi hobbadi hobbadi ho
hobbadi hobbadi hobbadi ho

dirndl wia war denn dir
war dir nit a wia mir
I mecht nit oiwei nur
plaudern mit dir

hobbadi hobbadi hobbadi ho
hobbadi hobbadi hobbadi ho

7. Für nix und wieder nix

wia ri neulich am berg auffigeh
und schau da drobn uamanand
siag i a dirndl dös woar hoit so sche
in seim stoasteirischen gwand

und i sag
dirndl mechst nit mit mir geh
i zoag dir ganz an andere welt

doch sie sagt
bua i kann di nit versteh
drum redn ma glei deutsch
hast a geld

für nix und wieder nix
geht nix und passiert nix
für nix und wieder nix
fang i mir nix o (2x)

8. Übern See

übern see
i foahr übern see
hollari hollarei dulie

übern see
ob i kimm oder geh
grechn he übern see

übern stoa
i geh übern stoa
grechn he übern d'almaroa

übern stoa
und i geh wia ri moa
ganz alloa übern stoa

hollari hollarei dulie ria ho!
hollari hollarei dulie ria ho!

9. Hinter der Hollerstaudn

d' landler san bandler
san nudldrucker
und wann d' mostrocker kemman
müassns umirucka

der rock'n'roll is in unserm bluat
und dazua tragn ma an steirerhuat jawoi!

denn der alpenrock mit rock'n'roi,
der macht überoi die hüttn voi jawoi

und der bua der fühlt si guat
wann dös dirndl rocken tuat aber

hinter der hollerstaudn sitzen rock'n'roller
und sie traun si nit vira,
sie ham d' hosn voi holler

holloda riadeiho holloda reidulio
holloda riadeiho die rocker san da

10. Der Fotzhobler

musik: gerhard egger

11. I steh auf

i steh auf
i steh auf
und dann leg i mi wieder nieder

i steh auf
i steh auf
und dann leg i mi wieder hi

wann d' stadtleut in die berg foahrn
dann is umi mit der ruah
denn sie moanan
eahna stadt dös is die welt

wann d' stadtleut in die berg foahrn
dann geht's überoi glei zua
und die bergleut toan schen
kuschn zwegn am geld

und der bergfex schreit auweh

und dann sagt er
i steh auf
i steh auf...

wann d' stadtleut in die berg foahrn
dann verliern s' an haufn dreck
hinter jedem bam
und hinter jedem stoa

wann d' stadtleut in die berg foahrn
dann ramt koana sein dreck weg
und die bergleut sagn brav ja
und toans alloa

und der bergfex schreit auweh
und dann sagt er
i steh auf
i steh auf...

12. Hoamatblues

riddi riallei riddulje ho a ho e i
riddi riallei riddulje ho a ho e i
riddi riallei riddulje ho a ho e i
riddi riallei riddulje auf der alm

mit die ross und mit die kalma
ja dös is hiaz long scho her
sammar auffi auf die alma
doch die gibt's heut neama mehr

statt der alm steht da am anger
a hotel mit blick zum see
wo ma friahra no san gonga
foahrt a seilbahn auffi auf d' heh.

riddi riallei...

der voda hat mi gfrogt
ob mi d' liab a so plagt
oder ob mi mei dirndl so gfreut
weil i nit dahoam bleib

die goiserer schuah hab i durchtanzt
und die strümpf hom a lo
aber i i tanz die ganze nacht
nur mehr a so

der mehlknödel und der griaßknödel...

die bäuerin mit der muaspfann
der schuaster mit'm loast
und der schneider mit'm zwirn
san in d' ewigkeit groast

wanns schuasterbuam regnt
und wanns schneiderverwaht
tuat der Teifö laut juchizn
d' Welt is verdraht


musik und text: g. egger
unter verwendung von textelementen aus dem volksgut

auf oamoi blitzt's
und auf oamoi kracht's
und der gamsbock foit von der heh

der regen foit
schau wia der regen foit...

der jagasbua vor der hüttn
der siagt wia dös gamsei foit
und hinter an mordtrumm donnerschlag
heart er wia dös stutzerl knoit

und er rennt in woid
und dann schreit er: hoit
endlich hab i di
hiaz wird bezoiht

und er schaut in rehbraune augen
und in a kohlrabenschwoarzes gsicht
auf oamoi da gschpürt er a busserl
und der wildschütz stellt si ins liacht

er sagt: kennst mi nit
er sagt: kennst mi nit
dei maria bin i
tua mir nit weh

und er gschpürt wia der regen foit...

da steht er der talkerte jagasbua
und sagt: uh dirndl uh mei
wann d' weiberleut heit a scho
wildschützn werdn
wird der herrgott
boid a weiberleut sei

hauduli riallei ho aah................




musik und text: g. egger

scheni leni
i schau umi übers toi
scheni leni
und dann jugitz i amoi

scheni leni
wia die schürzenjaga schiaßn
mecht i als wildschütz
nia nit schiaßn müassn

drum sag i
leni schau da kimmt dei bua
wann der auerhahn boid boizt
dann woaß i was i tua

leni schau da kimmt dei bua
richt dei liegastatt schnell her
i leg mi glei dazua

denn scheni leni von der heh...

miteinand samma auffigstiegn
miteinand samma ohigfoin
miteinand samma überbliebn
drobn auf der alm


musik und text: g egger

da drobn auf der heh...

iwaroi stengan motorkisten
mit pseudo alpinisten
motorkisten voll touristen
die sich in d'natur einnisten

iwaroi umananda laufen
und mitanand in haufen saufen
liada plärrn und solche sachen
und die nur probleme machen

großstadtlederhosenträger
auf der pirsch als schürzenjäger
müassn iwaroi einigaffn
und wir machen brav den affn

buckel reißen und schön kuschen,
und am stammtisch laß ma's tuschen - jawoi

da drobn auf der heh...

musik und text: g. egger

i bi a gosinger
so hecht wia da stoa hintern see
so woa wia da südwind in lanzing
auf der heh.

i bi a gosinger
a lederne trogn is nit gmuag
wannst eiwenig din nit dazuastehst
aft rinnst wia ra brochener kruag

schea no wia sist iwaroi...

i bi a gosinger
und tausende autos speim blei
wann dös in da gosa so weitergeht
is boid mitm schesei vorbei

musik und text: g. egger

dirndl i liabat di
wannst mi magst kriagast mi
wannst mi a liabst
kannst mi habn wannst mi kriagst

hobbadi hobbadi hobbadi ho
hobbadi hobbadi hobbadi ho

dirndl steh auf vom bett
es singan scho d'schwalbm
und d'gamslan san a scho auf
drobn auf der - wo - alm

musik und text: g. egger
unter verwendung von elementen aus dem volksgut

i sag zu ihr i hab mehr als nur geld
i hab a schene gitarr
und damit bring i an andere welt
ins land der zieharmonika

doch sie sagt
bua bist du denn nit ganz gscheit
was willst mit dera andern welt

du wirst der sein
der oamoi überbleibt
außer du tuast as für geld

für nix und wieder nix...



musik und text: g. egger

übers toi
i schau übers toi
und die welt schütt an wossafoi

übers toi
es wircht wia überoi
schau amoi übers toi

hollari hollareidulje ria ho
hollari hollareidulje ria ho

tiaf im woid
i steh tiaf im woid
a wanns ganz sakrisch widerhoit

tiaf im woid
und i sog wos ma gfoit
a wanns knoit tiaf im woid

musik und text: g. egger

der rock'n'roll is heut überoi
und drum foahrn ma über berg und toi jawoi

wo bleibt denn der tirolerbua
von die schlager hat er no nit gnua jawoi

doch bei uns im kammerguat
homma rock'n'roll am huat aber

hinter der hollerstaudn...

d' landler san bandler
san nudldrucker
und wann d' mostrocker kemman
müassns umirucka


musik und text: g. egger
unter verwendung von
textelementen aus dem volksgut

wann d' stadtleut in die berg foahrn
ja dann gengan s' deppen schaun
und nit wenige leut
machn eahnan gern

wann d' stadtleut in die berg foahrn
wolln s' glei überoi was baun
und die gier foit auf die knia
schier bis nach wean

und der bergfex schreit auweh

und dann sagt er
i steh auf
i steh auf...

der stolze herr der berge
is a gschamster diener woarn
der adler muass als
mammongeier fliagn

wir san koa land der zwerge
seit gestern wachst der zorn
wir wolln wieder
als adler kreise ziagn

stemma auf
stemma auf
und dann legn mar ins neama nieder

stemma auf
stemma auf
und dann legn mar ins neama hi




musik und text: g. egger

aber dirndl tua nit woana
was vorbei is is vorbei
aus brochenen herzen werdn stoana
und die welt is vogelfrei

auf der alm gibt's koane sündn
hams gsagt wia ma kinder woarn
aber heut sehgn sogoar die blindn
mir hom a paradies verlorn

riddi riallei riddulje ho a ho e i
riddi riallei riddulje ho a ho e i
riddi riallei riddulje ho a ho e i
riddi riallei riddulje auf der alm

musik und text: g. egger